MANILA – Nalipay ug nagpasalamat usab si Pres Bongbong Marcos sa tabang gikan ni US Pres Joe Biden pinaagi sa iyang duha ka top officials nga gipabisita sa Pilipinas.
Miingon si Marcos nga importante ang maong tabang-pinansyal aron mas makalihok ang armadong kusog sa nasud sa paghatag depensa sa mga isla nga sulod sa West Philippine Sea.
Una nang nagpasalig ang Amerika nga kanunay tabangan ang Pilipinas batok sa mga langyaw’ng puwersa nga manghasi sa kahusay’g kalinaw nga naglakip sa padayong tensyon sa kadagatang teritoryo niini.
Hisayrang kini ang laing higayon nagkakita personal ang tulo ka opisyal kay sa miaging mga bulan,nagkahimamat usab sila samtang didto sa Amerika.
