CAGAYAN DE ORO CITY- Mihimo’g kasaysayan ang Toronto Raptors human ilang mailog sa pinakaunang higayon ang NBA title batok na sa two-time defending champion nga Golden State Warriors sa game 6 sa championship series sa iskor nga 114-110.
Kini human pildiha sa Raptors ang Warriors sa mismong korte nila sa Oracle rena,California,USA.
Mao kini ang pinakaunang kampeonato sa Raptors gikan tuig 1995 sukad sila makakuha sa ilang franchise.
Pinaagi sa pagpaningkamot nila ni Pascal Siakam kinsa mi-iskor sa 26 points ug 10 rebounds; Kyle Lowry kinsa mitala sa 26 points ug 10 assists ug Kawhi Leonard nga mitala sa 22 points.
Si Leonard ang giila nga 2019 NBA Finals MVP.
Samtang mitala usab sa 30 points si Klay Thompson sa Warriors; Andre Iguodala nga may 22 points, ug Stephen Curry nga 21 points.
Misamot ang paghuyang sa Warriors tungod sa subli pagka-injury ni Thompson nga wala na makahuman sa pagdula.
Una nang nawala sa serye si Warriors fast forward Kevin Durant tungod sa pagbalik sa iyang injury sa game 5 batok Raptors.
