Wala hisguti ni Presidente Bongbong Marcos ang posibleng administrative charges nga atubangon ni PNP Chief General Torre III, human siya mismo ang mi-organizar sa ilang boxing match ni Davao City Acting Major Sebastian “Baste”.
Namahayag si Atty Proculo Sarmen, usa ka legal expert, nga inay badlungon si Torre, gitawag pa ni Presidente Marcos isip “Bag-ong Kampeon” sa milabay niyang ika-upat nga State of the Nation Address (SONA).
Gani, nakurat pa si Torre dihang gisingit ug nahimong special mention ang iyang ngalan.
Nagtuo ang publiko nga maoy gitumbok ni Marcos ang pagdaug ni Torre sa boxing match nga gihimo niyang charity aron makatabang sa mga biktima sa kalamidad.
Una niini, miingon si Atty Sarmen nga posibleng nalapas ni Torre ug Duterte ang Republic Act 3019 o mas giilang Anti-Graft and Corrupt Practices Act.
Nagtuo ang abogado nga adunay legal implication sa bangi sa duruha ilabe nga sila mga public ug accountable officials nga gikinahanglan magpakita sa pagkapropesyonal, respeto ug dignidad sa ilang posisyon.
Namugos si Sarmen nga ang paghanggat ug pag-organisar sa ways dakog tulubagon sa Civil Service Law, ug DILG gamit ang Code of Conduct and Ethical Standards for Public Officials and Employees.
Apan hangtud karon, tak-om pa ang duha ka tigpamadlong nga ahensya sa gobyerno sa hinimoan ni Torre ug Duterte
