Pagpasalamat ang bugti ni Police Major General Nicolas Torre III, kinsa opisyal nga gitudlo isip bag-ong hepe sa Philippine National Police (PNP) ni Presidente Ferdinand Marcos Jr.
Sa iyang appointment, si Torre miila sa naghatag kaniya’g suporta ug pagbati kaniya, ilabi na sa iyang mga kauban sa serbisyo ug sa katawhan nga nagpakita sa pagsalig sa iyang liderato.
Sa wala pa mahimong PNP Chief, siya ang hepe sa Criminal Investigation and Detection Group (CIDG) ug nagdumala sa daghang high-profile nga operasyon, lakip na ang pagdakop ni Kingdom of Jesus Christ (KOJC) Founder Pastor Apollo Quiboloy ug kanhi Presidente Rodrigo Duterte.
Sa iyang bag-ong papel isip PNP Chief, si Torre nagplano nga palig-onon ang kampanya batok sa kriminalidad, pagpatuman sa dugang reporma sa PNP, ug palig-onon ang relasyon tali sa kapulisan ug katawhan.
Ang turnover ceremony alang sa iyang opisyal nga paglingkod sa posisyon gikatakda sa Hunyo 2, 2025. Suportado ni outgoing PNP Chief Rommel Marbil ang mga laraw ni Torre
