Miani sa nagkadaiyang reaksyon ang pahayag ni PNP chief Gen Nicolas Torre III kabahin sa pipila ka indibidwal nga naggumon sa ilegal nga droga.
Kini human tubaga sa heneral ang pangutana sa mga sakop sa prensa nga makaguba sa kahimsog sa tawo ang paggumon sa ilegal nga bisyo.
Siya miingon nga sa prangka nga pagka-estorya,wala pa kini sukad nakakita’g tawo nga naulipon sa paggamit sa ilegal nga droga nga guwapo o guwapa.
Kini tungod kay bisan pa’g mga hitsuraang mga artista ug kung nagapos na sa pagbisyo sa droga,mongil-ad ang ilang mga hitsura.
Nagsumikad ang pahayag sa heneral dungan sa iyang pahimangno kabahin sa subsob nga imbestigasyon sa PNP may kalabutan sa ‘black cigarettes’ o Tuklaw nga makapatay gihapo’g tawo nga makagamit niini.
Siya miingon nga mihimo na sila sa pagsubay kung asa miagi ang maong kontrabando aron makasulod dinhi sa nasud.
Hisayrang bisan ang PDEA, mikasa usab sa ilang imbestigasyon batok sa maong klase sa sigarilyo nga peligro sa katawhan.
