CAGAYAN DE ORO CITY, Philippines – Gisugyot ni Senador Raffy Tulfo nga ipatuman ang Total Deployment Ban sa mga OFWs nga gusto manarbaho sa Kuwait.
Kini ang nakitang sulosyon ni Tulfo human midugang sa taas nga listahan sa mga gipangpatay nga mga household helper sila Jenny Alvarado ug Dafnie Nacalaban, nga pulos hinimuan sa ilang amo ug pamilya sa ilang amo.
Gihimo ni Tulfo ang rekomendasyon human gibatikos niini ang Department of Migrant Works sa ilang huwang nga aksiyon batok sa mga na-agrabyado nga mga babayeng OFWs sa maong nasud.
Sa gilusad nga senate committee hearing on Migrant Worker, gidepensa ni DMW Secretary Atty Hans Leo Cacdac ang ilang gipangayo’ng lugway aron ma-aksiyonan ang sugot ni Tulfo.
Sa kasamtangan, ang usa ka Kuwaiti Dinar nagbalor sa dul-an 190 pesos, kundiin, ang anaa sa 31,000 hangtud 60,000 ang binulan nga suhulan sa mga household helper sa maong nasud.
