CAGAYAN DE ORO CITY- Kasuha’g kriminal kon dili makakab-ot sa amicable settlement ang motorista ug ang pamilya sa trabahante nga naligsan-patay sa lungsod sa Tagoloan,Misamis Oriental.
Giila ni Police Lt Princess Joy Enriquez,tigpamaba sa Misamis Oriental PNP ang biktima nga si Dominador Entig,60 anyos nga lumad taga-Negros Occidental apan kasamtangang nagpuyo sa Brgy Sta Cruz,Tagoloan sa maong lungsod.
Gibutyag ni Enriquez nga subay sa imbestigasyon sa Tagoloan PNP nga gikan nanihapon ang biktima kuyog sa iyang pag-umangkon apan pagtakbo niini nabanggan sa motorsiklo.
Gitumbok sa mga nakasaksi nga kusog ang dagan sa motorsiklo nga gimaneho ni Warren Ragandang nga taga-Laguindingan,Misamis Oriental dihang nabanggaan niini ang biktima.
Gidali pa pagdala sa ospital si Entig apan wala na’y kinabuhi samtang si Ragandang ang paspas usab gihataga’g medikasyon sa Northern Mindanao Medical Center gumikan sa hitabo sa miaging adlaw.
