CAGAYAN DE ORO CITY – Kasub-anan imbis paningkamot alang sa panginabuhian ang gihambin sa pamilya sa duha ka magka-backdride nga mga pribadong trabahante nga pulos taga-lungsod sa Talakag,Bukidnon.
Kini tungod sa pagka-disgrasya patay sa drayber sa motorsiklo nga si Melvin Hunda ug samaron usab ang iyang kauban nga si Roger Abuso dihang nabanggaan nila ang natumbang kahoy sa Zone 4,Barangay Mambuaya ning syudad.
Namahayag ang Traffic Enforcement Unit sa Cagayan de Oro City Police Office nga padulong ang mga biktima sa trabaho gikan sa ilang mga pinuy-anan sa Purok 1,Barangay 5,Talakag dihang wala nila mabantayi ang nasungag nga kahoy.
Wala na matabang sa mga otoridad si Hunda samtang nasalbar sa mga doktor si Abuso.
