CAGAYAN DE ORO CITY – Nagbuy-od ug naligo sa kaugalingong dugo ang usa ka trabahante sa junkshop nga napalgang patay sulod sa iyang panimalay sa San Lazaro Brgy. Lapasan ning syudad.
Giila ang biktima nga si Noel Nadela, 54 anyos, bulag sa asawa, ug kanhi tokhang surrenderee sa maong barangay.
Namahayag si Kagawad Mark Anthony Bustamante nga tolo na ka adlaw nga wala migawas sa balay ang biktima ug nag-alisngaw na ang baho sa patay sa ilang dapit.
Dugtong niini, desido ang isgoon sa biktima nga si Dave Nadela nga may foul play o gipatay ang iyang igsoon busa gusto nilang ipa ubos sa otopsiya ang iyang lawas.
