CAGAYAN DE ORO CITY- Kumbinsido si Ramilo Valiente nga gipatay sa ukoy ang iyang higala ug kauban sa trabaho nga si George Jabonilla, 52 anyos ug lumad nga taga Cebu City samtang naligo sa suba sa Brgy Balulang sa syudad.
Gibutyag ni Valiente nga niadto pang Valentines Day nawala ang biktima human nagpasumbingay nga mangaligo sa suba kay mibati’g kaigang sa lawas.
Gilayong mihimo’g pagpangita ang rescue teams kang Jabonilla apan pakyas kining makit-an sa maong adlaw.Una usab niini,hingpit milutaw ang lawas sa biktima sa mismo lugar diin ulahi kining nakit-an.
Samtang kumbinsido ang kapolisan nga walay foul play sa pagkamatay sa laborer nga si Jabonillo.Subay kini sa pakisusi ni Carmen Police Station commander C/Insp Ian Borinaga sa mismong lawas sa biktima kaganihang buntag.
Miingon si Borinaga nga wala nag-interes sa pagpa-otopsiya sa patay’ng lawas ang mismong pamilya sa biktima.
Dugtong niini, gipamugos usab sa rescuer nga si Rolly Aturo nga gisulayan nila’g luwas ang ilang higala apan nagduda siya nga kusog na kaayo ang ”lilo” sa ilawom sa suba.
Nanawagan si Alburo sa tanang mularaw pagligo sa maong bahin sa suba nga mulikay na aron dili masubli ang hitabo.
Hinoon,gitin-aw ni Alburo nga dili ukoy ang mipatay sa biktima apan ang kakusog sa sulog sa ilawom nga bahin sa suba.
