CAGAYAN DE ORO CITY – Gipabalik na’g hinay-hinay ni Spanish Pres Pedro Sanchez sa trabaho ang pipila ka sektor nga temporaryong naghunong sa ilang operasyon tungod sa coronavirus disease pandemic sa Uropa.
Kini human may pag-ubos na sa kaso sa mga tawo nga natakbuyan sa maong sakit ug mimubo usab ang ihap sa mga pasyente nga nangamatay.
Gibutyag ni Bombo Radyo CdeO international correspondent Madelyn Basilio nga kabahin sa mga nagbalik trabaho na ang sektor sa konstruksyon,manufacturers ug mga restaurant.
Apan wala pa gihapon wagtanga ni Sanchez ang taas nga alerto kontra bayrus kay gipalungtad pa kini sa Mayo ning tuiga.
