CAGAYAN DE ORO CITY – Timailhan sa naglambo nga syudad ang pagdaku sa volume sa mga sakyanan nga makita sa dalan nga maoy hinungdan sa pagsamot sa trapiko sa lungsod sa Cagayan de Oro.
Kini ang gibutyag ni incumbent Mayor Oscar Moreno sa gilusad nga DEBATE SA BOBMO 2019 Mayoralty Race.
Namahayag si Moreno nga masulbad lang ang suliran sa trapiko kung magbukas sa laing dalan ang sunod nga mulingkod nga amahan sa syudad.
Dugtong ni Moreno nga iyang isugyot nga ipatuman ang “no parking” sa tanan piot nga dalan o barangay roads nga nahimutang sentrong bahin sa syudad.
