CAGAYAN DE ORO CITY-Obserbahan pa sa Associated Labor Unions-Trade Union Congress of the Philippines (ALU-TUCP)-10 ang epekto sa TRAIN Law ngadto na sa mga mamumuo.
Si ALU-TUCP member ug Barangay Macasandig Kag Amor Sanchez nga nalipay sila sa maong balaodnon tungod kay dili na magbayad sa buluhisan ang mga low wage earner.
Apan maoy ilang gikadismaya ang pagmahal sa presyo sa mga palaliton sama sa softdrinks ingon man ang usbaw sa pletihan.
Samtang gibutyag usab ni Sanchez nga daghang miyembro sa ilang organisasyon ang naglaraw nga mobiya sa grupo.
Kini sa rason nga wala sila malipay sa unod sa TRAIN Law.
Matud ni Sanchez nga daghan ang nagtoo nga usa ka anti-poor ang maong balaodnon tungod kay nakita nila nga pabor kini ngadto sa mga adunahan.
