Stable na ang kahimtang sa upat ka tawong sakay sa nahagsa nga Cessna 172 training aircraft sa kaumahan sa Barangay Lipay-Dingin-Panibutan, Iba, Zambales.
Ang abyon nga nagdala sa tail number RP-C2211 maoy gimaneho ni Capt. Jacques Robert Papio (flight instructor) kuyog ang iyang mga estudyante nga sila si Angelo Josh Quinsayas, Kisses Nunez Althea, ug Jericho Bernardo Palma.
Silang tanan anaa na sa maayong kondisyon human paspas nadala sa Ramon Magsaysay Hospital.
Subay sa report, gikan pa sa Subic ang training craft, ug wala pay impormasyon ang Civil Aviation Authority of the Philippines (CAAP) sa matuod nga hinungdan sa pagcrash landing.
Sa pagkakaron, gisuspenso na sa CAAP ang operasyon sa Toplite Academy of Aviation Inc., sulod sa pito ka adlaw samtang nagpadayon ang imbestigasyon.
Tolo ka mga anggulo ang gitutukan karon sa mga imbestigador ug kini naglankob sa mechanical failure, kondisyon sa panahon, ug human error isip mga hinungdan sa aksidente
