Naghinaot si Coach Rocky Calingin, usa ka basketball coach, nga unta mahatagan ug klaro nga pagtan-aw sa mga awtoridad sa sports ang matang sa training nga gipatuman sa Ateneo de Manila University (Blue Eagles Men’s Basketball Teams) alang sa seguridad sa ilang mga estudyante-atleta, kini human nga malumos patay ang 2 ka atleta niini sa giingong team building activity.
Gihatagan sacoach og gibug-aton nga ang mga modernong programa karon sagad naggamit og cross-training o aqua training aron maandam ang mga magduduwa sa umaabot nga mga torneyo.
Dugang pa niya nga kining mga aktibidad gihimo na matag tuig isip kabahin sa naandan nga programa sa mga atleta. Bisan pa niini, giklaro ni Coach Calingin nga kinahanglan na gyong susihon og maayo ang mga pamaagi sa pagbansay tungod sa nahitabong trahedya.
Subay niini, giawhag niya ang mga hingtungdan sa pagpatuman og mas hugot nga precautionary measures aron dili na kini mausab sa umaabot.
