CAGAYAN DE ORO CITY – Kasuhan sa reckless imprudence resulting into homicide ang truck driver nga nakaligis-patay sa tulo ka estudyanteng pulos minor de edad sa Barangay Cagaya,San Fernando,Bukidnon.
Kini human ubos na sa kustodiya sa kapolisan ang drayber sa trak nga si Reynaldo Camaso,41 anyos nga taga-Kibawe aron atubangon ang atraso niini sa mga biktima.
Gibutyag ni Police Regional Office 10 spokesperson Major Joann Navarro nga unang milikay ang suspek sa accident area ug nagtagu-tago sa kamaisan kay aron dili makulatahan sa mga tawo nga anaa sa palibot atol sa hitabo.
Subay sa imbestiasyon nga gipang-ila ang mga biktima nga Jenalon Dawungan, 11 anyos,Jelaika Batawan,7 anyos ug anyos nga igsoon pa niini nga pulos mga tinun-an sa Cagaya Elementary School.
Pasiunang pag-angkon sa suspek nga nakatulog kini samtang nagmaneho hinungdan sa nabanggaan ang mga biktima.
Hisayrang patabok na ang mga biktima pasulod sa eskuwelahan dihang naabtan sa kusog nga dagan sa trak.
