CAGAYAN DE ORO CITY – Dili pa lingkawas sa posibleng mga kasong criminal ang driver sa trailer truck nga unang gibanggaan sa pickup vehicle nga nag-resulta sa kamatayon sa duha ka menor de edad sa Purok 7,Brgy Taytay,El Salvador City,Misamis Oriental.
Kini bisan kon gibuhian na sa mga pulis ang drayber nga si Ernie Apor kay walay bisan usa ka kaso ang naduso sa piskalya kabahin niini.
Namahayag si PRO 10 spokesperson Maj Joann Navarro nga pabiling bukas ang PNP nga modawat sa regular filing sa kaso kon makahukom na ang mga tagtungod sa mga namatayan ug ensakto na ang mga papeles nga gipangita sa balaod.
Hisayrang dead on the spot ang duha ka menor de edad ug laing tulo ang samaron dihang gisungag nila ang trak sa miaging adlaw.
