CAGAYAN DE ORO CITY – Kasuhan na sa reckless imprudence resulting to homicide and damage of property ang drayber sa dump truck nga nagkarga’g bato nga nahulog sa sakyanan ug miigo kang Bukidnon Provincial Election Supervisor Atty Stalin Baguio.
Kini human nag-resulta sa kamatayon ni Baguio ang paglagpot sa bato gikan sa truck nga gimaneho ni Ruel Dumandan,hingkod ang panuigon ug residente sa may Casisang, Malaybalay City Bukidnon.
Sumala ni Valencia City Police director Lt. Col. Surki Serenias nga ilang nakita sa CCTV footage nga ang dumptruck nga gikargahan sa bato ug gimaneho ni Dumandan maoy nakaigo kang Atty. Baguio.
Una nang gipamugos sa suspek nga wala siya’y kasayuran sa nahitabong aksidente.
