Gipamugos ni NAPC Council Member ug Child Rights Advocate Khyle Sabellano nga dili solusyon ang pagpaubos sa age of criminal responsibility tungod kay mas makasamot ra kini sa problema ug dili makatudlo og maayong leksyon sa mga bata.
Gitin-aw sa maong opisyal nga imbes silotan ang mga batan-on, mas kinahanglang totokan ang pag-ayad sa pamaagi sa pagpadako sa mga ginikanan ug ang lig-on nga paggiya sa DSWD aron maputol ang mismong gamot sa kabiyolente.
Gawas niini, gipadayag sa advocate nga ang sugyot nga paggamit og transparent bags sa eskwelahan kay posibleng maghimo ra og diskriminasyon sa kahimtang sa kinabuhi sa mga estudyante kon dili kini tun-an pag-ayo sa gobyerno.
Mao nga gihangyo karon ang pagtinabangay sa tanang sektor aron makabuhat og mga palisiya nga maghatag og tinuod nga proteksyon ug magpalig-on sa kaayohan sa matag bata sa nasud.
