Wala na masabti sa pipila ka transport group ang dagan sa pangutukan ni Presidente Ferdinand Marcos Jr.
Kay bisan ang Northern Mindanao Federation of Transport Service Cooperative (NOMFEDTRANSCO) nakurat sa kalit nga pagbakwi sa presidente sa gi-aprobahan nga “fare-hike” gikan sa Department of Transportation (DOTr), ug andam na unta i-implementar sa Land Transportation Franchising and Regulatory Board (LTFRB).
Namahayag si NOMFEDTRANSCO Chief Executive Officer (CEO) Luzminda Escobidal nga kulang ra gani ang tag 2 pesos nga umento sa pletihan sa modernong jeep, apan, ila nalang kini gidawat kay nagtuo sila nga mabawi ra nila ang ilang gansi sa operasyon sa hinay-hinay nga pagrollback sa presyo sa lana sunod bulan, kung mahupay na ang tensyon sa Middle East. –
