CAGAYAN DE ORO CITY- Balik sa normal na ang transportasyon partikular sa Northern Mindanao ning adlawa.Kini bisan nga ipadayon pa gihapon sa kadagkuan sa grupong Piston ang ikaduhang adlaw sa nationwide transport strike sa kauluhan.
Kini human kumbinsido na sila si Starex-Piston Northern Mindanao Sec Gen Ringo Lago nga napaabot na niini ang mensahe nga pagsupak sa jeep modernization program sa gobierno.
Una nang gipasigarbo sa STAREX PISTON ang 90% nga pagkaparalisar sa transportasyon sa syudad ug Bukidnon.
Gani,mihangyo sa tanang organisasyon nga padayong suportahan ang panawagan nga dili ipatuman ang 15 anyos nga pag-phaseout sa mga pampublikong sakyanan.
Samtang gitawag nga walay pulos ang nahitabong welga sa STAREX-PISTON sa syudad.
Kini maoy assesment sa grupong National Confederation of Transport Union o NCTU Northern Mindanao kagaphapong adlawa.
Sumala ni NCTU coordinator Joel Gabatan nga mismo si Pres Rodrigo Duterte ang mi-suspenso sa tanang klase ug trabaho sa mga buhatan aron dili ma perwisyo ang mga magtutungha ug mamumuo sa ilang transportasyon.
Miingon si Gabatan nga daw nahimong drama ang pag welga ug wala makab-ot sa mga raliyesta ang ilang tumong nga maperwisyo ang katawhan ug mapabati sa publiko ang lisud nga epekto sa pagmodernize sa mga sakyanan.
Gani, nakita pa sa mga sakop ni Gabatan ang pag-arangkada sa mga jeep depampasahero sa Bulua, Iponan, Gusa ug Bugo liners sa syudad.
