Gipatin-aw ni Atty. Samson So Tan nga dili angay ikonsidera nga tinood nga babaye ang usa ka transwoman kon sa medikal ug siyentipikong panan-aw ang basihan. Si Tan, legal counsel sa LGBT Pilipinas, mipahayag niini atol sa init nga diskusyon sa social media kabahin sa isyu kung ang mga transwoman ba mahimong matawag nga babaye. Matod niya, base sa medisina ug siyensya, ang usa ka transwoman dili mahimong ikonsidera nga biological o tinood nga babaye. Apan giklaro usab ni Tan nga lahi ang isyu sa siyensya ug lahi usab ang isyu sa respeto ug pagtan-aw sa dignidad sa tawo. Iyang gipasiugda nga sa katilingban, mas angay ipatigbabaw ang pagrespeto sa mga pagtoo, identidad, ug nagkalain-laing panan-aw sa matag tawo, ilabi na sa pagdawat sa kalainan. (JAMES OLIVER)
