CAGAYAN DE ORO CITY, Philippines – Gikomot ang dughan ni World Health Organization Director General Tedros Ghebreyesus human nadawat ang kompirmasyon sa pagkamatay sa dul-an 30 ka mga medical workers sa Beirut, Lebanon.
Sa gilusad nga press briefing, gibasol ug gikondinar ni Ghebreyesus ang Israel Defense Force sa padayong pagbombardiyo sa capital city sa nasud.
Mi-angkon hepe sa WHO nga nagkalisud ang medical team sa WHO sa pagpasulod sa ilang tambal ug truama equipment tungod kay grabe kadelikado sa encounter site.
Segun sa Health Ministry sa Beirut kapin kun kulang 2,000 na katawo ang patay sukad gi-atake sa IDF ang ilang nasud. Una niini, padayong gipamugos sa IDF nga target ang ilang mga opensiba alang sa mga Hezbollah Fighters nga mipatay sa ilang mga residente sa Golan Heights sa miaging Hulyo.
