Pormal nang gi-anunsyo sa Ministry of Foreign Affairs sa United Arab Emirates (UAE) nga gidili na ang pagbiyahe sa Iran, Lebanon ug Iraq tungod sa kasamtangang tensyon sa Gulf region.
Ang pahibalo, gipakatap sa tanan residente ug UAE citizens nga anaa sa maong mga nasud, lakip na ang mga milangyaw ngadto sa tolo ka mga nanganlan nga nasud nga mubalik dayon sa UAE aron masiguro ang ilang kaluwasan.
Napalugwa na ang emergency number alang sa mga anaa sa Iran, Lebanon ug Iraq isip kabahin sa precautionary measures.
Ang desisyon nahitabo taliwala sa ceasefire sa Iran, Estados Unidos ug Israel nga nagsugod Abril 8 human sa 40 ka adlaw nga gubat.
Laing ceasefire ang nahitabo tali sa Israel ug Lebanon niadtong Abril 16 hangtod 17.
