CAGAYAN DE ORO CITY – Gipakusog pa sa national government ang kampanya batok sa mga kaso sa online sexual abuse and exploitation of children sa Northern Mindanao.
Kini human hiniusang gilusad nila ni Supreme Court Chief Justice Alexander Gesmundo;DILG Secretary Benhur Abalos ug Justice Secretary Jesus Crispin Remulla ang ‘Try-City Justice Zone sa Cove Hotel,Brgy Cugman ning syudad kaganihang buntag.
Tuyo niini nga mapalig-on ang paghatag proteksyon sa kabataan batok sa tanang klase sa mga abusong seksuwal gamit ang kasamtangang modernong teknolohiya.
Kabahin sa nag-unang rason nga napili ang Cagayan de Oro kinuyugan ang Iligan City ug syudad sa Ozamiz kay taas ang conviction rate sa maong mga kaso dinhi sa rehiyon.
Dumduman nga mismo dinhi sa syudad, nakobikto sa sobra gatus ka tuig nga pagka-priso tibuok kinabuhi ang Australian national nga si Peter Gerard Scully tungod sa 75 ka kasong child sexual abuses sa nagkadaiyang bahin sa Mindanao sa miaging katuigan.
Hisayrang dugay nang wanted sa International Police si Scully tungod sa mga kasong gipang-atubang niini didto sa Australia rason mitabok ug mitago sa Pilipinas.
