CAGAYAN DE ORO CITY – Gi-imbestigaran pa sa kapolisan ang kamatayon sa tricab driver kinsa nakit-ang nabulit sa mga samad-dinunggaban gamit ang giitoohang icepick sa Brgy Lumbo,Alubijid,Misamis Oriental.
Giila ni Police Chief Master Sgt Dennis Fabre,imbestigador sa Alubijid Police Station ang biktima nga si Johnrey Pahente,36 anyos,minyo ug nagpuyo sa Purok 6,Brgy Burnay,Gitagum ning lalawigan.
Apil sa gitutukan sa PNP ang posibleng carnapping kay nawala ang bau-bao sa biktima ug mismo usab ang personal nga mga kalihukan niini.
Gipaubos usab sa otopsiya ang patay’ng lawas sa biktima aron magamit sa ipasaka nga kaso sa pamilya sa piskalya batok sa nakasibat nga mga responsable sa kremin.
