CAGAYAN DE ORO CITY – Dili na angay tagdon si kanhi Sen Antonio Trillanes sa iyang mga birada batok sa mga Duterte partikular sa isyu sa war on drugs policy nga dunay reklamo nasang-at sa International Criminal Court.
Kini human namulong si Trillanes nga gikonsiderar na nga suspects sila kanhi Pres Rodrigo Duterte ug kanhi PNP officials nga instrumento pagpatuman sa dugu-ong giyera kontra ilegal nga droga sa nasud.
Miingon si CWGG 10 convenor Atty Antonio Soriano nga nangambisyon lang makabalik si Trillanes sa politika rason nga gusto kini mahimong unod pirmi sa balita gamit ang mga isyu batok sa mga Duterte.
Siya miingon nga dili crime against humanity apan murder cases ang resulta sa war on drugs policy nga kaya sulbaron ug hukman sa mga korte nga dili manghilabot ang ICC.
