CAGAYAN DE ORO CITY, Philippines – Hinog na ang panahon aron kasuhan sa impeachment si Vice President Sara Duterte.
Kini ang gipamugos ni kanhi Senador Antonio Trillanes IV.
Miingon si Trillanes nga gipakita na sa bise presidente ang tanan grounds aron siya pormal nga sipaon sa puwesto.
Usa niini mao ang iyang mugna nga drama sa Office of the Vice President tungod sa managsunod nga pagsakit sa iyang mga key officials aron makalikay sa tulubagon sa isyu sa kontrobersyal nga pagwaldas sa 612.5 Milyon pesos sa confidential funds sa Department of Education ug sa Office of the Vice President tuig 2022-2023.
Gawas niini, nakita ni Trillanes ang pag-abusar sa gahum ni Duterte tungod kay wala na niya tahuran ang mando sa kapulisan ug sa mga magbabalaod sa kamarabaha.
Dugtong niini, nagtuo si Trillanes nga bisan pagkasuhan siya sa kriminal ug administratibo, magpadayon gihapon isip bise presidente si Duterte.
Gusto sa kanhi senador nga ma-impeach si Duterte aron dili na makadagan sa pagka-presidente sa 2028 Presidential Elections. Gitapos ni Trillanes ang iyang pamahayag human siya nagpaka-doktor sa pagdayagnos sa bise presidente nga may sakit sa utok.
