CAGAYAN DE ORO CITY-Gipanghimakak ni Sen Antonio Trillanes IV nga kabahin siya nga nagpaluyo sa gihimong pag-atake sa mga teroristang Maute ug Abu Sayyaf Group sa Marawi City,Lanao del Sur.
Gihimo ni Trillanes ang katin-awan tungod sa pagbulgar sa usa ka giingong retired army official nga kabahin sa plano sa oposisyon nga gamiton ang mga terorista aron mapugos si Pres Rodrigo Duterte sa pag-deklarar sa martial law diin sakyan sa mga peke nga sundalo ug e-cover sa mga binayran nga sakop sa media.
Gibutyag ni Trillanes nga giprangkahan na niini si Defense Sec Delfin Lorenzana ug AFP kabahin sa isyu ug giingong gitin-aw sa gobierno nga wala siya’y kalabutan sa nahitabo sa Marawi City.
Una nang nabulgar nga mohimo’g abuso ang gamitong mga peke nga sundalo samtang anaa sa martial law ang Mindanao aron ipasangil kang Duterte ug ipalagpot kini sa puwesto.
