CAGAYAN DE ORO CITY-Patay nang nakit-an ang trisikad driver nga gitoohang nalumos samtang naligo sa dagat sa lungsod sa Tagoloan,Misamis Oriental.
Giila ni Tagoloan Police Station commander C/Insp Alla Oniana ang biktima nga si Dante Peyones,34 anyos,ulitawo ug nagpuyo sa maong lugar.
Naligo ang biktima kay tuyo niini mabugnawan ang lawas gumikan sa kainit sa panahon apan kalit lamang nga nalumos ang biktima.
Gilayong gihimo ang search ug rescue operation apan patay nang nakit-an ang biktima kagahapon sa hapon.
Nasuta usab nga dunay samad ang agtang sa biktima nga posibleng nabangga sa bato hinungdan sa pagkalumos niini.
