CAGAYAN DE ORO CITY- Patay sa pagpanunggab ang trisikad driver samtang natulog diha sa JR Borja Street ning syudad kaganihang kadlawon.
Giila ni Cogon Police Station deputy commander Sr/Insp Leo Huranio ang biktima nga si Felipe Humarito,50 anyos,ulitawo ug nagpuyo sa Brgy 31 sa dakbayan.
Naigo sa dughan ang biktima dihang gidunggab sa wala mailang suspek gamit ang icepick hinungdan sa gilayong kamatayon niini.
Gitutukan usab sa kapolisan nga pagdumot ug pagpanulis ang kabahin sa rason kon nganong gipatay sa misibat nga suspek ang biktima.
Gilusad sa kapolisan ang manhunt operation batok suspek ning syudad.
