CAGAYAN DE ORO CITY-Gipangita na sa kapolisan ang trisikad drayber nga suspek sa paglugos sa usa ka menor de edad diha sa Brgy Camaman-an ning syudad.
Gibugtyag ni C/Insp Harvey Abellanosa,hepe sa Cogon Police Station nga positibong gilugos sa suspek ang 15-anyos nga si alyas Lily kinsa tinun-an sa usa ka pampublikong eskwelahan.
Base sa report, nagpakimalooy pa ang biktima sa suspek nga dili ihinayon ang krimen apan wala kini maminaw.
Gipasalig ni Abellanosa nga ilang himoon ang tanan aron magtingkagol sa bilangguan ang suspetsado.
Una niini,gibutyag ni alyas Lily nga gikan siya ug iyang mga higala sa pagpanimba apan sa ilang tagsa-tagsa ka pagpanguli ang trisikad-drayber ang iyang nasakyan hinungdan nahitabo ang kremin.
