CAGAYAN DE ORO CITY – Giangkon sa 26 anyos nga trisikad driver nga mihimo kini sa pag-jakol tungod sa pag-ubos sa iyang moral gumikan sa kakulang sa pagtagad sa pamilya niini.
Kini human unang gireklamo si Jack sa kapolisan sa pipila ka hotel receptionists tungod sa mag-masturbate niini sa ilang atubangan diha sa Pabayo-Chavez Streets ning syudad kagahapong kadlawon.
Gibutyag ni alyas Jack nga naulaw kaayo siya sa iyang gihimo hinungdan nangayo kini’g pasaylo.
Dugtong niini,ipasaka sa kapolisan ang alarm scandal batok sa trisikad driver nga nag-masturbate atubangan sa pipila ka babayeng receptionists sa usa ka hotel ning syudad.
Gibutyag ni Lt Jose Boncawel,deputy commander sa Divisoria Police Station nga dakong pagsupak sa balaod ang gihimo ni alyas Jack hinungdan nga kini kasuhan sa piskalya ning adlawa.
Nagpasidaan usab si Boncawel sa babaye o lalaki nga likayan ang paghimo’g eskandalo atubangan sa publiko aron dili mahisama sa suspek.
Una nang miani sa nagkadaiyang reaksyon sa publiko ang maong kuha nga video sa suspek nga na-upload sa social media.
