CAGAYAN DE ORO CITY, Philippines – Anaa pa gihapon sa gawas sa Philippine Area of Responsibility ang Bagyong Bebinca.
Ulahi kining nasiplatan sa gilay-ong 1,435 kilometros Sidlakan-Amihanan-Sidlakang bahin sa Extreme Northern Luzon.
Nagbaton kini sa pinaka-kusog nga hangin o maximum sustained winds nga 85 kilometros matag oras ug paghaguros nga muabot sa 105 kilometros matag oras.
Kasamtangang nag-aginod ang bagyo sa direksyong North West o Amihanan Kasadpang sa gipaspason nga 35 kilometros matag oras.
Kung musulod ang Tropical Storm Bebinca sa Pilipinas, tawagon kini’g BAGYONG FERDI.
Atangi unyang alas 8 sa buntag kung may tsansa ba nga maglandfall dinhi sa Pilipinas kung dili mabag-o ang iyang ruta sulod sa PAR.
Balik dinhi sa Pilipinas:
Monsoon rains ang padayong magpasulabi sa MIMAROPA, Western Visayas, Sorsogon, Masbate, Negros Occidental, Negros Island Region ug sa ubang bahin sa Bicol Region.
Magpaulan gihapon ang Habagat sa Metro Manila, Mindanao, CALABARZON, ug nahibiling bahin sa Visayas
Regional forecast:
Ang syudad sa Cagayan de Oro makasinati sa 51% o kusog nga bundak apan dili lahutay nga ulan sa pagkahapon.
Dala niini ang 8k matag oras nga huyop sa hangin.
Ang sukod sa temperatura anaa sa 24-31 °C
Ang VISAYAS Area, dunay LOW PRESSURE AREA tungod sa trough sa Bagyong Bebinca sa maong rehiyon kundiin ang pinaka kusog nga huyop sa hangin muabot sa 52 km matag oras pagka ala-una sa hapon.
Anaa sa 60% ang pagbundak sa kasarangan padulong sa kusog nga ulan kutob sa gabie.
Ang sukod sa temperatura 26-28 °C.
Ang Manila NCR Area magbaton sa pagdag-um sa tibook adlaw nga magresulta sa pag-ulan kon 60% chance of rain sa hapon o gabie.
Dala niini ang 8km matag oras nga huyop sa hangin.
Ang sukod sa temperatura 26-30 °C.
Ang adlaw musidlak 5:32 sa buntag, ugmang adlawa ug musalop sa alas 5:42 sa hapon.
