(Update) CAGAYAN DE ORO CITY – Gipabuhian sa piskalya ang driver sa trak nga unang nadisgrasya nga nagresulta sa kamatayon sa 11 ka tawo sa Brgy Baliwagan,Balingasag,Misamis Oriental.
Miingon si Balingasag Police Station commander Maj Teodoro ‘Teody’ de Oro nga tuyo sa piskalya nga dili makasuha’g kriminal ang iyang mga pulis kon padayon nila ibalhog ang suspek nga si Junrie Cagmat nga walay sumbong nga masang-at sa piskalya.
Gibutyag ni De Oro nga nagkahulugan nga regular filing ang himoon sa kapolisan subay sa hangyo usab sa kabanay kinsa nagpabangutan pa ning panahona.
Kasuhan sa reckless imprudence resulting to multiple homicide ug laing patung-patong nga kasong physical injuries ang atubangon ni Cagmat nunot sa gidangatan sa mga biktima nga pulos taga-Brgy Aposkahoy,Claveria ning lalawigan.
