CAGAYAN DE ORO CITY – Dead on the spot ang drayber sa cargo elf truck samtang padayon nga nagpaalim sa ospital ang unom samaron nga pasahero sa RTMI aircon bus sa aksidente sa Sayre Highway, Purok 2, North Poblacion, Maramag Bukidnon.
Giila ang namatay nga si Jojo Adolfo, 35-anyos, residente sa Purok 1, Tugop San Fernando, Bukidnon.
Gibutyag ni Maramag Police Station commander Police Maj Gil Agpaoa nga nahitabo ang aksi dihang mi-overtake ang drayber sa elf truck sa usa ka tricycle sa maong lugar.
Apan kalit nga mihunong ang trak dihang natagbo niini ang bus nga gimaneho ni Jeffrey Antecristo, 46-anyos, taga Purok 4 Libertad, Quezon,Bukidnon.
Tungod sa kadanlog sa dalan, nawad-ag kontrol ang drayber sa truck hinungdan nga mibangga kini sa bus.
Kabahin sa nasamdan sa trahedya ang asawa ug duha ka anak sa drayber sa trak ug unom ka pasahero sa bus.
