CAGAYAN DE ORO CITY – Detinado na ang truck driver nga nakabangga sa motorista sa Purok 10 Baloy Tablon ning syudad.
Giila ang namatay nga biktima nga si Eduardo Masa, 62, minyo ug molopyo sa Brgy Kauswagan.
Gibutyag nga padulong sa este ang parehong mga sakyanan dihang kalit lamang mibalhin sa linya ang motorsiklo nga gisakyan ni Masa busa nabanggaan sa Isuzu truck nga gimaneho ni Rosed Pelantes, 35, ulitawo nga taga Purok 7 Brgy Puerto ning syudad.
Gihikay na ang kasong ipasaka batok sa suspek.
