CAGAYAN DE ORO CITY-Gawasnon na ang driver sa Isuzo cargo truck nga gisakyan sa dose ka negosyante diin tulo niini ang namatay tungod sa pagka-disgrasya sa Bgry Salay River 1, Salay, Misamis Oriental.
Kini human gitubag sa agalon sa driver nga si Elmer Librio ang tanang obligasyon sa mga biktima sa maong aksidente.
Miingon si SPO2 Jeson Dablo, traffic investigator sa Salay Police Station nga nasabtan sa mga pamilya sa biktima nga wala gituyo sa driver ang maong disgrasya.
Dugtong ni Dablo nga mitunol sa 25-mil pesos ang tag-iya sa truck ngadto sa pamilya sa usa sa mga biktima isip inisyal nga tabang.
Kabahin sa dead on the spot sila si Adeline Libarios;Saro Naset ug Jamel Sulta nga pulos nag-puyo sa Surigao del Sur.
