CAGAYAN DE ORO CITY – Dili angay ikabalaka alang sa interes sa Pilipinas ang pagsugod na’g trabaho sa kontrobersyal nga si US Pres Donald Trump sa Amerika epektibo ning adlawa.
Kini tungod kay magpabiling lig-on ang solido nga alyansa sa Estados Unidos ug Pilipinas itandi sa ubang kanasuran sa kalibutan.
Miingon si Rai Sanchez,history instructor sa Xavier University nga igo lang mi-matured gamay sa policy making si Trump apan halos walay kabag-uhan kon isubay kini sa interes sa Pilipinas.
Wala usab nabalaka si Sanchez sa isyu nga ipapauli ni Trump ang daghang imigrante kay nakasiguro man kini nga moagi sa tukmang proseso ang paghimo niini.
Sa pagbalik-White House ni Trump, bitbit niini ang palisya nga America First.
Hisayrang naputol ang termino ni Trump kay gipildi siya ni kanhi US Pres Joe Biden sa presidential elections sa Amerika tuig 2020.
