CAGAYAN DE ORO CITY – Gisalikway sa ubay-ubay’ng Republican partymates hinungdan napildi ang kandidatura ni US Pres Donald Trump batok Democrats Presidential Nominee Joe Biden.
Gibutyag ni Bombo Dolly Ilogon,senior news international correspondent sa New York,USA nga daghan sa kapartido sa Republicans ang wala mosuporta kang Trump apan sa kandidatura ni Biden.
Gani,may Republican members nga nag-porma’g grupo aron suportahan ang kampanya ni Biden itandi sa ilang kaugalingong kandidato.
Samtang nahukma’g sad-an sa giatubang nga kaso ang pipila ka miembro sa kabinete ni out-going US Pres Donald Trump.
Gibutyag ni Gabriel Ortigoza, Bombo International News correspondent sa Amerika nga nahimong gubot ang administrasyon ni Trump,busa dugay na siyang gustong ipakanaug sa pwesto sa mga tawo.
Segun ni Ortigoza nga halos 15 ka White House officials ni Trump ang giingong nabilanggo.
Dugtong niini,gi-plastada na sa mga molopyo sa Illinois ang ilang mga panagang sa balay kun ugaling mahitabo ang dakong kagubot sa Amerika.
Nunot kini sa bahad ni Trump nga mahimong gubot ang ilang estado oras nga i-proklamar nga mananaug ang iyang kaatbang nga si Biden.
Mi-angkon si Dr. Nikki Guanco, Bombo International News correspondent sa USA nga gi-andam na nila ang mga tabla ug plywood aron isampong sa ilang tindahan kon dunay mag-riot nga supporters ni Trump sa ilang dapit.
Hinoon gibutyag ni Guanco nga nagpadayong hapsay ang ilang estado sulod sukad giila nga president elect Biden.
