Tolo ka mga bug-at nga rason ang gipabuhagay ni United States President Donald Trump kung nganong ilang nahukman ang pag-atake sa Iran.
Una, ang sekreto ug padayong pagpalambo sa Iran sa ilang nuclear weapons ug ballistc missiles.
Kini nagpasabot nga padayong gihulga sa Iran dili lang ang Amerika apan lakip na ang mga alyado’ng kanasuran niini.
Ikaduha, namugos si Trump nga wala nila makita ang kasiguraduhan sa Iran nga dili sila maghimo sa nuclear bomb, bisan pa sa mga negosasyon sa Geneva.
Kini ang rason nga mihimo’g military action ang Amerika.
Ikatulo, gipalanog sa Estadus Unidos nga ang rehime sa Iran, usa ka teroristang hulga nga kinahanglan puhagon ug maundang pinaagi sa misyong “ferocious, unyielding resolve” .
Subli, gipamugos ni Trump nga ang ilang operasyon nagtumong sa pagpanalipod sa katawhan sa Amerika ug pagpahuyang sa kapasidad militar sa Iran, bisan pa nga daghang mga analista ang nagduhaduha sa kamatuoran sa iyang mga rason.
