Gidepensa ni United States President Donald Trump ang gipagula nga desisyon sa US Supreme Court nga ilegal ang iyang pagpahamtang sa mga taripa sa managlahing kanasuran nga kasosyo sa negosyo sa Estadus Unidos.
Ning adlawa, subay sa majority decision nga gipagawas ni Chief Justice John Roberts, unom ang mipabor ug tolo ang wala mouyon nga mga huwes bahin sa maong desisyon ni Trump.
Gitumbok sa mga mahistrado nga kinahanglan adunay awtorisasyon gikan sa US Congress ang laraw nga magpahamtang sa taripa sa dili pa kini ipatuman sa presidente.
Gumikan niini, gisupak ni Trump ang desisyon sa ilang pinakataas nga hukmanan ug gipasigarbo ang malampusong pagkolekta sa $134 bilyon nga kitaan sa gikan sa taripa, gikan sa kapin 310,000 ka lain‑laing mga importers.
Gitawag usab ni Trump ang mga tawong nagpasaka kaniya kaso sa korte suprema nga China Centric ug dakung paka-uwaw sa ilang kaliwatan.
