CAGAYAN DE ORO CITY, Philippines – Gihagit sa gobyerno sa Ukraine si US Presidential candidate Donald Trump kung unsa ang iyang palisiya nga iyang ipatuman aron panalipdan ang mga kaalyado nga nasud sa Amerika, oras nga siya ang mudaug pagkapresidente sa Nobyembre nga piliay.
Si Ukraine’s President Volodymyr Zelenskyy namahayag nga kinahanglan malabwan pa ni Trump ang iyang pagkomitar sa kahusay ug kalinaw pinaagi sa pagtabang sa ilang nasud, aron mapukan ang pagpangilog sa teritoryo ni Russian President Vladimir Putin.
Hisayran nga mabutang sa dakung peligro ang Kiev Government kung si Trump ang mulingkod sa White House kay ilado kining suod nga higala ni Putin.
Dumduman nga sa milabay’ng bulan, gitawag pa ni Trump ang presidente sa Ukraine isip “the greatest salesman of all time”, tungod sa iyang paglibot suroy sa mga nasud sa tibook kalibutan aron ipamaligya ang tensyon sa ilang nasud.
