Mibahad si United States President Donald Trump nga sunod niyang atakehon ang Colombia human ang malampusong operasyon sa Venezuela.
Namugos si Trump nga adunay deperensya sa utok si Colombian President Gustavo Petro ug mi-akusar nga gahimo ug gagamit kini’g cocaine sa ilang nasud.
Aron mapitol ang dili maayong ehemplo sa maong nasud, gisaad ni Trump nga dili na magdugay ang ingon nga binuhatan ni Petro.
Hinoon, wala mibati’g ka-alarma ang presidente sa Colombia kay sayud siya’g may kapas ang ilang nasud aron siya panalipdan.
Gihimakak usab niini nga tigamitan siya sa ilegal nga druga.
Mahindumduman nga dugay nang gisaad ni Trump nga limpyuhan ang Amerika sa mga criminal gangs nga maoy nagpaluyo sa cartel sa druga pasulod sa managlahing estado sa Amerika.
Kini ang rason nga namugna ang iyang programa sa pagpadeport sa tanan kriminal nga dili nila kadugo ilabe na ang kadtong adunay kaso sa pagpatay, ug ilegal nga druga.
