Giaplikar sa militar sa United States ang mga plano alang sa posibleng dugay nga operasyon batok sa Iran, kung motugot si Presidente Donald Trump sa usa ka opensiba nga mahimong mosangpot sa mas lawom ug mas delikadong panagbangi tali sa duha ka nasod.
Sumala sa report, nag-andam ang US military sa senaryo nga dili lang pipila ka adlaw, kondili mga semana nga sunod-sunod nga operasyon ang posibleng ipahigayon batok sa Iran.
Kini human sa nagkagrabeng tensyon tali sa duha ka nasod, nga mahimong mosaka ngadto sa mas seryosong gubat kon pormal nga ipagawas ang sugo sa pag-atake.
Matod sa mga tinubdan, lahi kini sa mga miaging engkwentro tali sa US ug Iran tungod kay mas lawom ang implikasyon niini, dili lang sa rehiyon sa Middle East kundili usab sa global nga seguridad ug ekonomiya.
Gitan-aw usab sa mga eksperto nga ang maong lakang mahimong mosangpot sa balos nga aksyon gikan sa Iran ug sa ilang mga kaalyado.
Sa karon, naghulat ang kalibutan kon unsay sunod nga desisyon sa White House, samtang padayon ang pagbantay sa kahimtangan nga posibleng mo-usab sa balanse sa gahum sa internasyonal nga politika. (James Oliver)
