Makakat-on sa pait nga leksyon ang rehime sa Iran.
Kini ang gibutyag ni United States President Donald Trump sa ika-napulo ka adlaw sa paglusad sa “Operation Epic Fury”, nga unang nasugdan niadtong Pebrero 28.
Si Trump namugos nga kinahanglan matilawan sa Iran kung unsa kaisog ug kagamhanan ang Amerika, ug dili kini basta-basta nga mapuhang, sama sa ilang gilauman.
Gi-anunsyo sa presidente ang laraw sa US Forces nga ipalubog ang tanan Iranian Warship gamit ang coordinated military operations sa US ug Israel.
Determinado usab si US Secretary of Defense Pete Hegseth nga mapugngan nila ang laraw sa nahibiling opisyales sa Iran nga mulusad sa taas nga gubat ilabe na sa mga nasud nga ka-alyado sa Amerika nga adunay naugbok nga mga base-militar.
