CAGAYAN DE ORO CITY, Philippines – Misalmot si US President Donald Trump sa World Economic Forum (WEF) sa Davos Switzerland, apan pinaagi lamang sa pagpadala sa iyang video message.
Unod sa iyang mensahe ang pagkastigo sa Biden Administration tungod sa trilyones dolyares nga utang nga iyang gibilin sa bag-ong administrasyon.
Kini ang rason nga napugos si Trump sa paglangkat sa karaan ug walay bili nga mga palisiya ni Biden aron ipatuman ang palisiya sa AMERIKA FIRST.
Gi-awhag ni Trump ang ubang kanasuran nga mag-invest sa Estadus Unidos, ug mamalit sa ilang produkto sa barato nga kantidad.
Gipalanog niini, ang pagpaubos sa buluhisan sa mga trabahante ug gisaad nga masulbad ang ang inflation crisis aron mubalik ang barato nga presyo sa ilang nag-unang palaliton.
Dugtong niini, gipanigurado ni Trump nga pahamtangan sa economic sanctions ang mga nasud nga mahimong hulga sa securidad ug merkado sa Amerika.
