Subling gipakuratan ni US President Donald Trump ang kalibutan sa merkado.
Nunot kini sa iyang laraw nga idobli ang taripa sa imported nga asero ug aluminum ngadto sa 50%, gikan sa kasamtangang 25%. Ang desisyon ni Trump lauman nga ipakang sa pagka Hunyo 4, ning tuiga.
Sa pakighinabi sa press, gitataw sa presidenta nga gikinahanglan niya maprotektahan ang industriya sa asero sa US, ug maminusan ang pagsalig sa China.
Gawas sa pagpahamtang sa bug-at nga taripa sa duha ka produkto, masaligon si Trump nga mukusog pa ang domestic nga produksiyon sa Amerika nga makatabang sa mga trabahante sa asero.
Hisayran nga ang maong taripa nakadugang sa tensyon sa global trade ug nakadani sa kritikal nga reaksyon gikan mga dagkung ekonomiya sa nasud, sama sa Canada, European Union, ug Australia.
Kini nga mga nasud una nang mibahad nga muhimog retaliatory measures.
