Wala malipay si U.S. President Donald Trump sa bag-ong sugyot sa Iran nga nagtinguha sa pag-abli pag-usab sa Strait of Hormuz ug pagwagtang sa U.S. naval blockade samtang ang nuclear program ipalangan sa sunod nga negosasyon.
Gihisgutan kini sa White House Situation Room uban sa mga opisyal sa seguridad, apan giingon nga dili kini dawaton ni Trump.
Usa sa iyang opisyal miingon nga kon modawat siya, mahimong makadaot sa iyang baruganan nga dili angay makabaton sa nuclear weapons ang Iran.
Si Secretary of State Marco Rubio miingon nga mas maayo kini kaysa ilang gipaabot apan kinahanglan nga pugngan gihapon ang Iran sa paghimo og nuclear armas.
Gipadayag ni Trump nga ang tanang kasabutan sa kalinaw kinahanglan sa U.S. nga kondisyon ug oras. Iyang giingon nga walay “time frame” ug “time pressure” sa ceasefire ug nagpadayon nga negosasyon.
