CAGAYAN DE ORO CITY, Philippines – Gikompirmar ni Chinese President Xi Jinping ang pagtinawagay nila ni Incoming US President Donald Trump sa telepono, ning adlawa.
Miingon si President Xi nga gitubag lamang niini ang imbetasyon ni Trump nga makighinabi kaniya aron magkinamustahay.
Unod sa nahisgutan sa duha ka dagkung lider ang paghatag importansya sa pagpalig-on sa bilateral ties sa Amerika ug China, ilabe na sa hisgutanan pangseguridad, pagbinayluay sa produkto ug komersyo.
Sa katapusan, gitimbaya sa presidente sa China ang subling pagpili kang Trump isip president sa Amerika.
